Fréttasafn
3. júlí 2006
Gjöld fyrir alþjónustu innan eðlilegra marka - ný verðkönnun
Nánar
Samkvæmt 20. gr. fjarskiptalaga nr. 81/2003 er Póst- og fjarskiptastofnun (PFS) skylt að hafa eftirlit með gjaldskrám fyrir alþjónustu. Stofnunin á að sjá til þess að alþjónusta sé veitt á eðlilegu og viðráðanlegu verði og fylgjast með því að verðþróun sé í samræmi við kaupmátt innanlands. Auk þess má hafa hliðsjón af verðlagningu í viðmiðunarríkjum. Til alþjónustu í fjarskiptum heyrir m.a. talsímaþjónusta, rekstur almenningssíma og upplýsingaþjónusta um símanúmer 118 og hvílir sú kvöð á Símanum sem fyrirtækis með umtalsverðan markaðsstyrk að veita þessa þjónustu. Til að framfylgja eftirlitsskyldunni gerði PFS verðsamanburð á símtölum úr almenningssímum og símtölum í 118 hér á landi og í viðmiðunarríkjum, en varðandi almenna talsímaþjónustu var stuðst við verðsamanburð breska greiningarfyrirtækisins Teligen. Í ljós kom að verð fyrir þessa þjónustu hér á landi er innan eðlilegra marka. Í alþjóðlegum verðsamanburði Teligen á árlegum kostnaði fyrir meðalnotkun á heimilissíma innan OECD landa er Ísland með þriðja lægsta kostnað á eftir Kanada og Bandaríkjunum. Ef tekið er mið af meðalnotkun heimilissíma á Norðurlöndunum er ódýrast hér á landi að nota heimilissíma. Gjaldskrá fyrir almenningssíma er lægri hér á landi en í Noregi og Svíþjóð og gildir þá einu hvort hringt er úr almenningssíma í fastanetssíma eða farsíma. Þá kemur fram að einnar mínútu símtal í upplýsingaþjónustuna 118 er ódýrara hér á landi en í Noregi, Svíþjóð og Danmörku, en tvöfalt dýrari en í Lúxemborg og á Grikklandi. Í ljósi þessarar niðurstöðu sér PFS ekki ástæðu til að ákveða hámarksverð fyrir talsímaþjónustu, símtöl úr almenningssíma eða símtöl í 118, eins og heimild er til í 2. mgr. 20. gr. fjarskiptalaga. Sjá verðsamanburð (pdf-snið)
21. júní 2006
Drög að reglum um númerabirtingar til umsagnar
Nánar
Samkvæmt 51. gr. laga um fjarskipti nr. 81/2003 skulu fjarskiptafyrirtæki sem reka almenna talsímaþjónustu bjóða notendum númerabirtingu í samræmi við ákvæði laga um persónuvernd. Póst- og fjarskiptastofnun er ætlað að setja reglur um fyrirkomulag númerabirtinga. Stofnunin hefur gert drög að slíkum reglum og hafa þær verið birtar á heimasíðu stofnunarinnar www.pfs.is. Drögin taka mið af 8. gr. tilskipunar 2002/58/EB um vinnslu persónuupplýsinga og um verndun einkalífs á sviði rafrænna fjarskipta Öllum sem hagsmuna eiga að gæta þ.m.t. notendum er heimilt að senda inn umsagnir um drögin. Óskað er eftir að umsagnir verði sendar á rafrænu formi á póstfangið sigurjon@pta.is, en jafnframt er óskað eftir að fá frumrit til skráningar. Umsagnir verða birtar á heimasíðu stofnunarinnar. Frestur til að skila umsögnum er til og með 20. júlí nk. Drög að reglum um númerabirtingar(PDF)(Word)
15. júní 2006
Samráð um greiningar á þremur leigulínumörkuðum
Nánar
Í samræmi við V. kafla laga um fjarskipti nr. 81/2003 ásamt síðari breytingum nr. 78/2005, skal Póst- og fjarskiptastofnun (PFS) skilgreina viðeigandi þjónustu- og vörumarkaði og landfræðilega markaði á fjarskiptasviði í samræmi við meginreglur samkeppnisréttar og skuldbindingar samkvæmt samningnum um Evrópska efnahagssvæðið. Framkvæmdastjórn ESB og Eftirlitsstofnun EFTA (ESA) hafa skilgreint fyrirfram 18 fjarskiptamarkaði sbr. tilmæli um viðkomandi markaði. PFS skal skv. 17. gr. fjarskiptalaga greina þessa 18 markaði, kanna hvort samkeppni á þeim sé virk og hvort þar finnist eitt eða fleiri fyrirtæki með umtalsverðan markaðsstyrk. Póst- og fjarskiptastofnun hefur greint samkeppnina á þremur mörkuðum leigulína, smásölumarkaði fyrir lágmarksframboð leigulína (markaður 7), heildsölumarkaði fyrir lúkningahluta leigulína (markaður 13) og heildsölumarkaði fyrir stofnlínuhluta leigulína (markaður 14). Frumdrög greiningar og niðurstaðna PFS um framangreinda markaði eru nú lögð fram til samráðs og PFS býður fjarskiptafyrirtækjum og öðrum sem áhuga hafa á að gera athugasemdir við þau, sbr. 6. gr. laga nr. 69/2003 um Póst- og fjarskiptastofnun. Frumdrögin má finna á heimasíðu PFS www.pfs.is. Vakin er athygli á því að PFS áætlar að birta opinberlega allar athugasemdir sem berast nema sérstaklega verði óskað trúnaðar og þá mun stofnunin leggja mat á þá beiðni. Þess er vinsamlegast óskað að athugasemdir verði sendar til PFS eigi síðar en þriðjudaginn 1. ágúst nk. Þegar athugasemdir hafa borist mun PFS endurskoða greiningar á framangreindum mörkuðum með hliðsjón af framkomnu athugasemdum og útbúa á grundvelli þeirra drög að ákvörðun sem send verður ESA til samráðs, sbr. 1. mgr. 7. gr. laga nr. 69/2003. Geri ESA ekki athugasemdir við markaðsgreiningar og niðurstöður PFS verður ákvörðun á þeim byggðar birtar hlutaðeigandi fyrirtækjum. Nánari upplýsingar um markaðsgreiningar veita starfsmenn PFS Birgir Óli Einarsson og Bjarni Sigurðsson. Upplýsingar um markaðgreiningu Póst- og fjarskiptastofnunnar er einnig að finna á heimasíðu stofnunarinnar www.pfs.is. Markaðsgreining – Smásölumarkaður fyrir lágmarksframboð af leigulínum(markaður 7), heildsölumarkaður fyrir lúkningahluta leigulína (markaður 13) og heildsölumarkaður fyrir stofnlínuhluta leigulína (markaður 14) (PDF)
8. júní 2006
Drög að reglum um innanhússfjarskiptalagnir til umsagnar
Nánar
Samkvæmt 60. gr. laga um fjarskipti nr. 81/2003 er Póst- og fjarskiptastofnun ætlað að setja reglur um frágang húskassa og innanhússfjarskiptalagna í þeim tilgangi að tryggja vernd fjarskipta og skilgreina aðgangsheimild fjarskiptafyrirtækja. Stofnunin hefur gert drög að slíkum reglum og hafa þau verið birt á heimasíðu stofnunarinnar www.pfs.is. Öllum sem hagsmuna eiga að gæta þ.m.t. notendum er heimilt að senda inn umsagnir um drögin. Óskað er eftir að umsagnir verði sendar á rafrænu formi á póstfangið sigurjon@pta.is, en jafnframt er óskað eftir að fá frumrit til skráningar. Umsagnir verða birtar á heimasíðu stofnunarinnar. Frestur til að skila umsögnum er til og með 5. júlí nk. Drög að reglum um innanhússfjarskiptalagnir (pdf)(Word)
6. júní 2006
Ákvörðun í kvörtunarmáli um ónæði af völdum markaðsetningarstarfsemi
Nánar
Ákvörðun PFS frá 30.maí í kvörtunarmáli um ónæði af völdum markaðsetningarstarfsemi sjá nánar
6. júní 2006
Samráð við ESA um markað 16
Nánar
Póst- og fjarskiptastofnun hefur sent til ESA drög að ákvörðun um útnefningu fyrirtækja með umtalsverðan markaðsstyrk og álagningu kvaða á markaði fyrir lúkningu símtala í einstökum farsímanetum (markaður 16). sjá nánar
16. maí 2006
10 fyrirtæki sóttu um tíðniheimildir
Nánar
Frestur til að skila inn umsóknum vegna útgáfu tíðniheimilda fyrir háhraða aðgangsnet á 3,5 og 10 GHz rann út mánudaginn 15. maí 2006. Umsækjendur voru: Atlassími ehfÁbótinn ehfDigiweb LtdeMAX ehfEtcetera ehfIP fjarskipti ehfOg VodafoneOrkuveita ReykjavíkurSíminn hfWireless Broadband Systems ehf Samkvæmt útboðslýsingu skyldu umsækjendur m.a. tilgreina í hvaða sveitarfélögum þeir hefðu í hyggju að veita þjónustu og hvort sótt væri um heimildir á 3,5 eða 10 GHz. Eftirspurn eftir tíðniheimildum á 10 GHz var minni en framboð. Umsóknir um tíðniheimildir á 3,5 GHz voru afturámóti mun fleiri og ekki liggur fyrir hvort unnt verði að verða við öllum óskum umsækjenda. Sótt var um tíðniheimildir fyrir mismunandi landssvæði. Í sumum umsóknum var sótt um tíðniheimildir fyrir allt landið en í öðrum var aðeins óskað eftir heimildir fyrir mjög takmörkuð svæði. Á næstu vikum verður farið yfir umsóknir og stefnt er að því að tilkynna um niðurstöðu útboðsins eigi síðar en í lok júní n.k..Frekari upplýsingar veitir Sigurjón Ingvason, forstöðumaður, s. 510 1500
10. maí 2006
Bráðabirgðaákvarðanir
Nánar
Póst- og fjarskiptastofnun birtir tvær bráðbirgðaákvarðanir sem teknar hafa verið í ágreiningsmáli milli Símans hf. og Atlassíma ehf. Varða þær synjun Símans hf. um að verða við beiðni Atlassíma ehf. annars vegar um að skrá þau símanúmer sem fyrirtækinu hafði verið úthlutað í svonefndri flökkuþjónustu og hins vegar um að flytja símanúmer úr almennri talsímaþjónustu yfir í netsímaþjónustu þess. Bráðabirgðaákvarðun 19.apríl Bráðabirgðaákvörðun 8.maí