Fréttasafn
2. janúar 2006
Lokun NMT-farsímakerfisins frestað: Samfelld þjónusta á NMT-450 tíðnisviði nauðsynleg
Nánar
Póst- og fjarskiptastofnun hefur tilkynnt Símanum að heimild verði nýtt til að fresta lokun NMT kerfisins til 31. desember 2008. Sú ákvörðun byggir m.a. á umsögnum sem bárust við umræðuskjali sem PFS birti þann 24. október um framtíðarnotkun NMT-450 tíðnisviðsins á Íslandi. Alls bárust 9 umsagnir frá hagsmunaaðilum; Ericsson Danmark A/S, Landssambandi íslenskra útvegsmanna, Neyðarlínunni, Nordisk Mobiltelefon AB, Nortel, Og Vodafone, Orkustofnun, Samtökum ferðaþjónustunnar og Símanum. Þrír umsagnaraðila hafa áhuga á að byggja upp nýtt fjarskiptanet, 2 eru framleiðendur tækjabúnaðar og 4 eru aðrir hagsmunaaðilar. Í bréfi Póst- og fjarskiptastofnunar til Símans segir m.a.: “Póst- og fjarskiptastofnun telur nauðsynlegt að gera ráðstafanir til þess að stuðla að því að notendum standi ávallt til boða langdræg farsímaþjónusta. Flest bendir til þess að NMT þjónustan muni leggjast af og að við muni taka stafræn farsímaþjónusta innan fárra ára, sbr. umræðuskjal Póst- og fjarskiptastofnunar. Stefnt verður að því að ný þjónusta verði í boði fyrir lok ársins 2007, en á þessari stundu er ekki hægt að segja fyrir um með fullkominni vissu hvort þjónustan verði komin í rekstur á þeim tíma. Því hefur Póst- og fjarskiptastofnun í hyggju að nota heimild sem stofnunin hefur skv. 2. gr. áðurnefndrar heimildar Landssíma Íslands hf. til notkunar á tíðnum fyrir NMT 450 farsímaþjónustu og fresta lokun NMT þjónustu Landssíma Íslands hf. til 31. desember 2008. Hugsanlegt er að þeirri dagsetningu verði breytt og ákveðið verði að leggja þjónustuna niður fyrr ef öruggar upplýsingar liggja fyrir um að ný þjónusta geti tekið við fyrir þennan tíma. Slíkar breytingar yrðu tilkynntar eigi síðar en 31. desember 2006. Ef NMT-450-þjónustan verður starfrækt eftir 31. desember 2007, hyggst Póst- og fjarskiptastofnun gefa út sérstaka tímabundna tíðniheimildvegna þeirrar starfsemi. Sú tíðniheimild yrði þrengri en núgildandi heimild þar sem nauðsynlegt er að samkeyra NMT þjónustuna og hina nýju stafrænu þjónustu í einhvern tíma. Landssíma Íslands hf. er hér með gefinn frestur til 23. janúar 2006 til þess að koma sjónarmiðum sínum varðandi þetta mál á framfæri við Póst- og fjarskiptastofnun. Að þeim tíma liðnum mun stofnunin taka ákvörðun í málinu.” Sjá nánar samantekt svara úr umræðuskjalinu Sjá umræðuskjal Nánari upplýsingar veitir Hrafnkell V. Gíslason forstjóri Póst- og fjarskiptastofnunar í síma 510-1500. Frétttilkynning 2. janúar 2006
21. desember 2005
Umsagnarfrestur vegna símanúmera fyrir VoIP þjónustu framlengdur
Nánar
Ákveðið hefur verið að veita frest á umsögn um notkun símanúmera fyrir VoIP þjónustu til mánudagsins 9. janúar 2006.
15. desember 2005
Símanúmer fyrir VoIP þjónustu
Nánar
Fyrirhugaðar ákvarðanir PFS um notkun númera fyrir VOIP þjónustu. Ákveðið hefur verið að veita frest á umsögn um notkun símanúmera fyrir VoIP þjónustu til mánudagsins 9. janúar 2006.Sjá skjal (pdf)
12. desember 2005
Nýtt viðmiðunartilboð um samtengingu
Nánar
Póst- og fjarskiptastofnun hefur framlengt frest til að skila inn umsögnum um nýtt viðmiðunartilboð um samtengingu. Sjá nánar bréf PFS.
8. desember 2005
Samráð um endurskoðun fjarskiptareglna ESB
Nánar
Framkvæmdastjórn ESB hefur óskað eftir tillögum um væntanlega endurskoðun á tilskipunum ESB um fjarskipti frá 2002 og tilmælum um viðeigandi markaði. Hún hefur lagt fram skjal með helstu álitaefnum sem óskað er eftir tillögum um fyrir 31. janúar 2006. Haldinn verður opinn samráðsfundur um þetta í Brussel þann 24. janúar 2006. Nánari upplýsingar er að finna á heimasíðu ESB
8. desember 2005
Samráð um kvaðir
Nánar
Póst- og fjarskiptastofnun vill vekja athygli á því að Samtök evrópskra fjarskiptaeftirlitsstofnana (European Regulators Group of National Regulatory Authorities, ERG)hefur endurskoðað skýrslu sína um kvaðir sem leggja má á fyrirtæki með umtalsverðan markaðsstyrk svo efla megi samkeppni. Ný drög af skýrslunni hafa verði lögð fram til samráðs. Skriflegar athugasemdir skulu berast ERG fyrir 13. janúar 2006. ERG mun halda opin samráðsfund um skýrsluna í Brussel þann 12. janúar 2006. Nánari upplýsingar er að finna á heimasíðu ERG.
8. desember 2005
Viðmið um innleiðingu á bestu framkvæmd (PIB´s)
Nánar
Á heimasíðu IRG er búið að setja 2 skjöl til umsagnar varðandi viðmið er varða innleiðingu á bestu framkvæmd (PIB´s) um: 1. Leiðréttingar á bókhaldi sem er byggt á gangverði (Current cost accounting (CCA)). 2. Smásöluverð mínus (Retail Minus (RM)). Umsagnarfrestur er til 30. desember 2005. Sjá meðfylgjandi netslóð: http://irgis.anacom.pt/site/en/areas_doc.asp?id=743 Allir eru hvattir til að skila inn athugasemdum. Upplýsingar um hvert á að senda athugsemdir koma fram á IRG síðunni (consultation cover note). PIB´s = Principle of implementation of best practice.
1. desember 2005
Frestun á skilum umsagna um viðmiðunartilboð um samtengingu
Nánar
Þann 3. nóvember sl. sendi Póst- og fjarskiptastofnun fjarskiptafyrirtækjum til umsagnar nýtt viðmiðunartilboð Landssíma Íslands hf. um samtengingu talsímaneta dags. 26. október sl. Skilafrestur athugasemda var til 3. desember nk. Þann 30. nóvember sl. tilkynnti Landssíminn með tölvupósti til Póst- og fjarskiptastofnunar að ný útgáfa af tilboðinu hefði verið póstsend til stofnunarinnar. Sú sending barst PFS síðdegis 1. desember. Í ljósi þessara atburða telur Póst- og fjarskiptastofnun rétt að fresta skilum á athugasemdum. Stofnunin mun taka afstöðu til þess hvernig tekið verður á þessu máli þegar gögnin hafa verið yfirfarin. Ljóst er þó að framlengja þarf skilafrest athugasemda og er umsagnaraðilum ráðlagt að vinna ekki frekar í umsögnum um tilboðið frá 26. október. Póst- og fjarskiptastofnun harmar það að vinna við umsagnir um tilboðið skuli vera sett í uppnám með þessum hætti. Stofnunin mun tilkynna fljótlega hvernig staðið verður að framhaldi umsagnarferlisins.