Fréttasafn
12. mars 2007
Þrjú fyrirtæki bjóða í tíðniheimildir fyrir þriðju kynslóð farsíma
Nánar
Í dag kl. 11:00 voru opnuð tilboð í tíðniheimildir fyrir þriðju kynslóð farsíma hjá Póst- og fjarskiptastofnun. Tilboðin voru opnuð að viðstöddum fulltrúum bjóðenda og fulltrúum fjölmiðla. Útboðið var auglýst þann 28. desember 2006. Þrjú fyrirtæki lögðu fram tilboð: Nova ehf, Og fjarskipti ehf og Síminn hf. Útreikningur stiga fyrir umsóknirStigafjöldi umsóknar er reiknaður fyrir hvert svæði á þann veg að prósentutala útbreiðslu við hvern áfanga fær mismunandi vægi þannig að því fyrr sem útbreiðslu er náð fást fleiri stig.Uppgefnar tölur um útbreiðslu og uppbyggingarhraða voru lesnar upp við opnun tilboða ásamt útreiknuðum stigum fyrir hvert tilboð. Heildarstigafjöldi bjóðenda skv. tilboðum: Og fjarskipti ehf (Vodafone) 648,3 stig Síminn hf 726,9 stig Nova ehf 754,7 stig Sjá nánar: Útreikningur stiga (PDF) Lágmarkskröfur um útbreiðslu og hraða uppbyggingar:Lágmarkskrafa til hvers tíðnirétthafa er að IMT-2000 þjónusta nái til 60% íbúa sérhverra eftirfarandi svæða: a) Höfuðborgarsvæðis b) Vesturlands, Vestfjarða og Norðurlands vestra c) Norðurlands eystra og Austurlands d) Suðurlands og Suðurnesja Til höfuðborgarsvæðisins telst Reykjavík, Seltjarnarnes, Mosfellsbær, Kópavogur,Garðabær, Álftanes og Hafnarfjörður. Svæði b) til d) miðast við kjördæmaskiptingu 1. desember 2006. Við útreikning útbreiðslu er miðað við lögheimili manna. Lágmarkskröfur um áfanga og hraða uppbyggingar skulu vera skv. eftirfarandi töflu: Áfangar (Tími frá útgáfu tíðniheimildar) Lágmarkskrafa um útbreiðslu (Hlutfall íbúa sem stendur til boða IMT-2000 þjónusta) T1: 1 ár og 6 mánuðir 40% af íbúum landsins alls. Frjálst val um svæði. T2: 2 ár og 6 mánuðir 30% af íbúum sérhvers svæðis a), b), c) og d) T3: 4 ár 60% af íbúum sérhvers svæðis a), b), c) og d) T4: 5 ár og 6 mánuðir 60-75 % af samanlögðum íbúafjölda svæða b), c) og d). Ekki krafa, en þarf að uppfylla til þess að eiga rétt á afslætti af tíðnigjöldum. Til að mæla útbreiðslu þjónustunnar við lok hvers áfanga, samkvæmt ofangreindri töflu, verður lögð til grundvallar búseta manna (skráð lögheimili) miðað við 1. desember fyrra árs samkvæmt íbúaskrá sem gefin er út af Þjóðskrá. Sjá nánar:Útboðsauglýsing frá 28. desember 2006ÚtboðslýsingFundargerð frá opnun tilboða 12. mars 2007 Nánari upplýsingar veitir Hrafnkell V. Gíslason, forstjóri Póst- og fjarskiptastofnunar, s. 510-1500, t-póstur: hrafnkell@pta.is
12. mars 2007
Útboð í tíðniheimildir fyrir þriðju kynslóð farsíma opnuð í dag
Nánar
Í dag, mánudaginn 12. mars kl 11:00, verða opnuð tilboð í tíðniheimildir fyrir þriðju kynslóð farsíma hjá Póst- og fjarskiptastofnun Suðurlandsbraut 4, 2. hæð. Útboð á tíðniheimildum var auglýst þann 28. desember 2006. Fulltrúum þeirra fyrirtækja sem bjóða og fulltrúum fjölmiðla hefur verið boðið að vera við opnunina. Fréttatilkynning um niðurstöður tilboðsins verður birt eftir að tilboð hafa verið opnuð.
8. mars 2007
Netöryggi.is - Nýr vefur fyrir almenning og fyrirtæki
Nánar
Póst- og fjarskiptastofnun hefur opnað nýjan vef fyrir almenning um net- og upplýsingaöryggi, Netöryggi.isÁ vefnum er að finna upplýsingar og leiðbeiningar fyrir einstaklinga og fyrirtæki um hvernig best má tryggja öryggi búnaðar og upplýsinga í netnotkun.
7. mars 2007
Útboðsauglýsing -Útboð á tíðniheimild fyrir farsímakerfi á 450 MHz
Nánar
Póst- og fjarskiptastofnun mun með heimild í 9.gr., sbr. 11.gr. laga um fjarskipti nr 81/2003 gefa út tíðniheimild til starfrækslu farsímanets á núverandi NMT tíðnisviði, að undangenginni auglýsingu og vali milli umsækjenda sem byggt verður á skilmálum sem fram koma hér á eftir. Aðeins einum umsækjanda verður úthlutað tíðnum. Tíðniheimildin gildir fyrir allt landið og felur í sér eftirfarandi tíðnisvið: 452,9875 - 457,4875 MHz / 462,9875 – 467,4875 MHz (2 x 4,5 MHz) Afhenda skal umsóknir í afgreiðslu Póst- og fjarskiptastofnunar bæði á pappírs- og tölvutæku formi. Nánari upplýsingar og skilmála er að finna í útboðslýsingu – sjá neðar Einnig má fá útboðslýsingu á skrifstofu Póst- og fjarskiptastofnunar, Suðurlandsbraut 4, Reykjavík. Hér fyrir neðan má sækja kort af Íslandi, sem sýnir kröfur um útbreiðslu á hafsvæðinu umhverfis Ísland, sbr. kafla 1.3 í útboðslýsingu . Tilboðum skal skila á skrifstofu Póst- og fjarskiptastofnunar, eigi síðar en mánudaginn 7. maí 2007 kl. 11:00. Verða tilboð þá opnuð að viðstöddum fulltrúum bjóðenda, sem þess óska. Lesin verða upp nöfn bjóðenda ásamt upplýsingum um skuldbindingar umfram lágmarkskröfur, sbr. viðauka 1 í útboðslýsingu. Útboðslýsing (PDF) Kort af Íslandi með útbreiðslu á hafsvæðinu umhverfis Ísland (viðauki 2) (PDF) Samráð vegna útboðs – samantekt á svörum (PDF) Nánari upplýsingar veitir Hrafnkell V. Gíslason, forstjóri Póst- og fjarskiptastofnunar, s. 510-1500, t-póstur:hrafnkell@pta.is
2. mars 2007
PFS hefur sent til ESA drög að ákvörðun um markað fyrir lágmarksframboð af leigulínum (markaður 7), heildsölumarkað fyrir lúkningahluta leigulína (markaður 13) og heildsölumarkað fyrir stofnlínuhluta leigulína (markaður 14)
Nánar
Póst og fjarskiptastofnun (PFS) hefur sent til Eftirlitsstofnunar EFTA (ESA) drög að ákvörðun um útnefningu fyrirtækis með umtalsverðan markaðsstyrk og álagningu kvaða á markaði fyrir lágmarksframboð af leigulínum (markaður 7), heildsölumarkað fyrir lúkningahluta leigulína (markaður 13) og heildsölumarkað fyrir stofnlínuhluta leigulína (markaður 14). PFS hefur komist að þeirri niðurstöðu að Síminn sé með umtalsverðan markaðsstyrk á öllum þremur mörkuðunum 7, 13 og 14 og hyggst útnefna Símann með umtalsverðan markaðsstyrk á þeim.PFS hyggst leggja eftirfarandi kvaðir á Símann á markaði 7, 13 og 14:• Kvöð um að verða við eðlilegum beiðnum um aðgang að leigulínum. • Kvöð um jafnræði.• Kvöð um gagnsæi og birtingu viðmiðunartilboðs. • Kvöð um bókhaldslegan aðskilnað.• Kvöð um eftirlit með gjaldskrá. Drög að ákvörðun um markað 7, 13 og 14 er send til ESA og annarra eftirlitsstofnana á EES-svæðinu með vísan til 7. gr. laga nr. 69/2003 um Póst- og fjarskiptastofnun. Sjá alla fréttina ásamt tilheyrandi skjölum.
21. febrúar 2007
Reglur um CE-merkingar á fjarskiptabúnaði að fullu innleiddar hér á landi
Nánar
Þann 24. janúar setti samgönguráðherra reglugerð nr. 90/2007, um þráðlausan búnað og notendabúnað til fjarskipta og gagnkvæma viðurkenningu á samræmi þeirra. Reglugerðin öðlaðist gildi frá og með birtingu hennar 12. febrúar 2007. Þar með hefur svokölluð R&TTE tilskipun Evrópusambandins nr. 99/5/EB að fullu verið innleidd hér á landi. Með gildistöku reglugerðarinnar er óheimilt er að setja á markað önnur fjarskiptatæki en þau sem bera CE-merkingu. Innflutningur til eigin nota fellur þar undir um leið og fjarskiptatæki kemur inn á Evrópska efnahagssvæðið. Öll fjarskiptatæki á Íslandi verða að vera CE-merkt. Tæki, sem ekki eru CE-merkt, eru ólögleg hér á landi. Áður en fjárfest er í fjarskiptatækjum til notkunar hér á landi skal því hafa eftirfarandi í huga: Öll fjarskiptatæki eiga að vera CE-merkt. Ef þau eru það ekki, eru þau ólögleg á Íslandi. CE-merkið skal vera greinilegt á umbúðum og á tækjunum. Að auki skal tækið vera merkt með framleiðslunúmeri. Ofangreint á við, hvort heldur tækin eru keypt á Íslandi, erlendis eða koma til landsins sem gjöf, t.d. frá ættingjum. Ofangreint á einnig við ef tækin eru keypt á Netinu. Athuga þarf hvort hvort afla þurfi tilskilinna leyfa til að nota tækið á Íslandi. Reglugerð nr 90/2007 um þráðlausan búnað og notendabúnað til fjarskipta og gagnkvæma viðurkenningu á samræmi þeirra. Frekari upplýsingar um kaup á fjarskiptatækjum
14. febrúar 2007
Framlengdur umsagnarfrestur vegna tíðniheimildar á 450 MHz tíðnisviðinu
Nánar
Hinn 31. janúar 2007 birti Póst- og fjarskiptastofnun helstu þætti í væntanlegu útboði á 450 MHz tíðnisviðinu fyrir langdrægt stafrænt farsímakerfi. Hagsmunaaðilum var boðið að senda inn umsagnir, athugasemdir og ábendingar fyrir kl 12:00 miðvikudaginn 14. febrúar 2007. Ákveðið hefur verið að framlengja frestinn til kl 12:00 föstudaginn 23. febrúar 2007. Sjá frétt og samráðsskjal frá 31. janúar 2007
8. febrúar 2007
Ný könnun meðal netfyrirtækja á gagnaflutningi á Netinu frá útlöndum
Nánar
Í desember og janúar sl. var gerð fyrir Póst- og fjarskiptastofnun könnun meðal netfyrirtækja á gagnaflutningi á Netinu frá útlöndum. Félagsvísindastofnun Háskóla Íslands gerði könnunina meðal 41 fyrirtækis sem veita internetþjónustu.Kannað var með hvaða hætti fyrirtækin gera viðskiptavinum sínum ljóst hvenær þeir eru að greiða fyrir gagnaflutning erlendis frá. Meðal þess sem fram kemur í skýrslunni er að: Fjórðungur þeirra fyrirtækja sem bjóða upp á gagnaflutning erlendis frá taka ekki gjald fyrir þá þjónustu. Fáir áskrifendur þeirra fyrirtækja sem þátt tóku í könnuninni hafa óskað eftir upplýsingum um hvenær þeir hlaða niður gögnum erlendis frá. Áskriftarleiðir eru margar og flóknar og getur reynst erfitt fyrir neytendur að velja þá leið sem þeim hentar. Skýrsluna má nálgast í heild hér fyrir neðan. Gagnaflutningur á Netinu frá útlöndum, könnun meðal fyrirtækja sem veita internetþjónustu (PDF) Nánari upplýsingar veitir Hrafnkell V. Gíslason, forstjóri Póst- og fjarskiptastofnunar, s. 510-1500, t-póstur: hrafnkell@pta.is