GSM 900 tíðnisviðið: Endurnýjaðar tíðniheimildir Nova og Vodafone

Á síðasta ári vann Póst- og fjarskiptastofnun að stefnumótun um framtíðarskipan GSM 900 tíðnisviðsins í samráði við markaðsaðila.  Ör þróun og miklar breytingar á farsímamarkaði var ein af ástæðum þess að PFS taldi sérstaka ástæðu til þess að flýta stefnumótun og taka ákvörðun um framtíðarnýtingu GSM 900 tíðnisviðsins á Íslandi.

Að loknu samráði voru niðurstöður PFS birtar í ágúst sl. þar sem m.a. var ákveðið að endurútgefa með breytingum og án útboðs tíðniheimildir Nova ehf. og Og fjarskipta ehf. (Vodafone).  Gildistími tíðniheimildanna er óbreyttur.

Sjá frétt hér á vefnum frá 28. ágúst 2008:  Niðurstöður PFS um framtíðarskipan GSM 900 tíðnisviðsins 

Nú hafa Nova ehf. og Vodafone fengið endurútgefnar tíðniheimildir til samræmis við niðurstöður PFS.