10/2023

19.10.2023

Alþjónusta

66. gr. Fjármögnun alþjónustu

Fjarskiptastofu (FST) barst erindi frá Neyðarlínunni þar sem óskað var eftir samþykki fyrir alþjónustukostnaði. Samkvæmt Neyðarlínunni lá fyrir tilboð í lagningu ljósleiðara að lögheimili sem væri umfram hámarkskostnað vegna einstakrar fjarskiptatengingar en fyrirfram samþykkis þarf að afla frá FST í slíkum tilfellum, sbr. ákvörðun nr. 9/2020 um alþjónustuútnefningu Neyðarlínunnar.

Samkvæmt gögnum FST var ekkert eða takmarkað háhraða farnetssamband á svæðinu og því taldi stofnunin að notandinn ætti ekki kost á fullnægjandi farnetsþjónustu. Það var því mat FST að alþjónusta yrði ekki tryggð með öðrum hagkvæmari hætti heldur en Neyðarlínan gerði tillögu um, þ.e.a.s. með lagningu ljósleiðara.

FST samþykkti umsókn Neyðarlínunnar um alþjónustuframlag en aðeins að hluta til. Var það í ljósi hás kostnaðar vegna stakrar fjarskiptatengingar en stofnunin taldi rétt að notandi sjálfur tæki þátt í kostnaðinum, líkt og aðrir notendur í dreifbýli sem hafa notið styrks vegna frá ríkinu í gegnum verkefnið Ísland ljóstengt eða mögulega sem notendur alþjónustu.  

Ekkert tengt efni skráð