Óvissustig vegna veðurofsa. Fólk hlaði síma og tölvur til að vera viðbúið rafmagnsleysi.

Almannavarnir hafa lýst yfir óvissustigi vegna yfirvofandi veðurofsa á öllu landinu.

Póst- og fjarskiptastofnun hefur sett sig í samband við fjarskiptafyrirtæki og beðið þau að virkja viðbúnað sinn við slíkar aðstæður.

Við hvetjum fólk til að hlaða farsíma sína og snjalltæki áður en veðurofsinn skellur á því komið getur til rafmagnsleysis.

Einnig er rétt að minna á að hlaða þráðlaus símtæki sem tengjast heimasíma. Ef í nauðir rekur þá er mögulegt að leysa málin með bílhleðslutækjum ef þau eru til staðar.

Myndin með þessari frétt er fengin af veðurvefnum www.windyty.com