Fjarskiptasjóður opnar fyrir umsóknir vegna verkefnisins Ísland ljóstengt 2017

Fjarskiptasjóður hefur birt frétt á vef sínum þar sem opnað er fyrir umsóknir vegna verkefnisins Ísland ljóstengt 2017. Þar kemur fram að mikil áhersla er lögð á hagkvæma samlegð með öðrum mögulegum veituframkvæmdum og nýtingu fyrirliggjandi innviða. Verkefnið Ísland ljóstengt hófst formlega síðastliðið vor og á árinu 2016 náði ríkisstyrkt uppbygging sveitarfélaga til um 1.000 heimila og fyrirtækja víða um land.

Markmiðið er að 99,9% lögheimila og fyrirtækja eigi kost á amk. 100 Mb/s þráðbundinni nettengingu árið 2020. Eftir er að leggja ljósleiðara til um 3.000 bygginga til að ná því markmiði.

Sjá fréttina á vef Fjarskiptasjóðs

Sjá einnig upplýsingar um ljósleiðarauppbyggingu og ríkisstyrki hér á vefnum.