Fréttasafn
15. júní 2006
Samráð um greiningar á þremur leigulínumörkuðum
Nánar
Í samræmi við V. kafla laga um fjarskipti nr. 81/2003 ásamt síðari breytingum nr. 78/2005, skal Póst- og fjarskiptastofnun (PFS) skilgreina viðeigandi þjónustu- og vörumarkaði og landfræðilega markaði á fjarskiptasviði í samræmi við meginreglur samkeppnisréttar og skuldbindingar samkvæmt samningnum um Evrópska efnahagssvæðið. Framkvæmdastjórn ESB og Eftirlitsstofnun EFTA (ESA) hafa skilgreint fyrirfram 18 fjarskiptamarkaði sbr. tilmæli um viðkomandi markaði. PFS skal skv. 17. gr. fjarskiptalaga greina þessa 18 markaði, kanna hvort samkeppni á þeim sé virk og hvort þar finnist eitt eða fleiri fyrirtæki með umtalsverðan markaðsstyrk. Póst- og fjarskiptastofnun hefur greint samkeppnina á þremur mörkuðum leigulína, smásölumarkaði fyrir lágmarksframboð leigulína (markaður 7), heildsölumarkaði fyrir lúkningahluta leigulína (markaður 13) og heildsölumarkaði fyrir stofnlínuhluta leigulína (markaður 14). Frumdrög greiningar og niðurstaðna PFS um framangreinda markaði eru nú lögð fram til samráðs og PFS býður fjarskiptafyrirtækjum og öðrum sem áhuga hafa á að gera athugasemdir við þau, sbr. 6. gr. laga nr. 69/2003 um Póst- og fjarskiptastofnun. Frumdrögin má finna á heimasíðu PFS www.pfs.is. Vakin er athygli á því að PFS áætlar að birta opinberlega allar athugasemdir sem berast nema sérstaklega verði óskað trúnaðar og þá mun stofnunin leggja mat á þá beiðni. Þess er vinsamlegast óskað að athugasemdir verði sendar til PFS eigi síðar en þriðjudaginn 1. ágúst nk. Þegar athugasemdir hafa borist mun PFS endurskoða greiningar á framangreindum mörkuðum með hliðsjón af framkomnu athugasemdum og útbúa á grundvelli þeirra drög að ákvörðun sem send verður ESA til samráðs, sbr. 1. mgr. 7. gr. laga nr. 69/2003. Geri ESA ekki athugasemdir við markaðsgreiningar og niðurstöður PFS verður ákvörðun á þeim byggðar birtar hlutaðeigandi fyrirtækjum. Nánari upplýsingar um markaðsgreiningar veita starfsmenn PFS Birgir Óli Einarsson og Bjarni Sigurðsson. Upplýsingar um markaðgreiningu Póst- og fjarskiptastofnunnar er einnig að finna á heimasíðu stofnunarinnar www.pfs.is. Markaðsgreining – Smásölumarkaður fyrir lágmarksframboð af leigulínum(markaður 7), heildsölumarkaður fyrir lúkningahluta leigulína (markaður 13) og heildsölumarkaður fyrir stofnlínuhluta leigulína (markaður 14) (PDF)
8. júní 2006
Drög að reglum um innanhússfjarskiptalagnir til umsagnar
Nánar
Samkvæmt 60. gr. laga um fjarskipti nr. 81/2003 er Póst- og fjarskiptastofnun ætlað að setja reglur um frágang húskassa og innanhússfjarskiptalagna í þeim tilgangi að tryggja vernd fjarskipta og skilgreina aðgangsheimild fjarskiptafyrirtækja. Stofnunin hefur gert drög að slíkum reglum og hafa þau verið birt á heimasíðu stofnunarinnar www.pfs.is. Öllum sem hagsmuna eiga að gæta þ.m.t. notendum er heimilt að senda inn umsagnir um drögin. Óskað er eftir að umsagnir verði sendar á rafrænu formi á póstfangið sigurjon@pta.is, en jafnframt er óskað eftir að fá frumrit til skráningar. Umsagnir verða birtar á heimasíðu stofnunarinnar. Frestur til að skila umsögnum er til og með 5. júlí nk. Drög að reglum um innanhússfjarskiptalagnir (pdf)(Word)
6. júní 2006
Ákvörðun í kvörtunarmáli um ónæði af völdum markaðsetningarstarfsemi
Nánar
Ákvörðun PFS frá 30.maí í kvörtunarmáli um ónæði af völdum markaðsetningarstarfsemi sjá nánar
6. júní 2006
Samráð við ESA um markað 16
Nánar
Póst- og fjarskiptastofnun hefur sent til ESA drög að ákvörðun um útnefningu fyrirtækja með umtalsverðan markaðsstyrk og álagningu kvaða á markaði fyrir lúkningu símtala í einstökum farsímanetum (markaður 16). sjá nánar
16. maí 2006
10 fyrirtæki sóttu um tíðniheimildir
Nánar
Frestur til að skila inn umsóknum vegna útgáfu tíðniheimilda fyrir háhraða aðgangsnet á 3,5 og 10 GHz rann út mánudaginn 15. maí 2006. Umsækjendur voru: Atlassími ehfÁbótinn ehfDigiweb LtdeMAX ehfEtcetera ehfIP fjarskipti ehfOg VodafoneOrkuveita ReykjavíkurSíminn hfWireless Broadband Systems ehf Samkvæmt útboðslýsingu skyldu umsækjendur m.a. tilgreina í hvaða sveitarfélögum þeir hefðu í hyggju að veita þjónustu og hvort sótt væri um heimildir á 3,5 eða 10 GHz. Eftirspurn eftir tíðniheimildum á 10 GHz var minni en framboð. Umsóknir um tíðniheimildir á 3,5 GHz voru afturámóti mun fleiri og ekki liggur fyrir hvort unnt verði að verða við öllum óskum umsækjenda. Sótt var um tíðniheimildir fyrir mismunandi landssvæði. Í sumum umsóknum var sótt um tíðniheimildir fyrir allt landið en í öðrum var aðeins óskað eftir heimildir fyrir mjög takmörkuð svæði. Á næstu vikum verður farið yfir umsóknir og stefnt er að því að tilkynna um niðurstöðu útboðsins eigi síðar en í lok júní n.k..Frekari upplýsingar veitir Sigurjón Ingvason, forstöðumaður, s. 510 1500
10. maí 2006
Bráðabirgðaákvarðanir
Nánar
Póst- og fjarskiptastofnun birtir tvær bráðbirgðaákvarðanir sem teknar hafa verið í ágreiningsmáli milli Símans hf. og Atlassíma ehf. Varða þær synjun Símans hf. um að verða við beiðni Atlassíma ehf. annars vegar um að skrá þau símanúmer sem fyrirtækinu hafði verið úthlutað í svonefndri flökkuþjónustu og hins vegar um að flytja símanúmer úr almennri talsímaþjónustu yfir í netsímaþjónustu þess. Bráðabirgðaákvarðun 19.apríl Bráðabirgðaákvörðun 8.maí
19. apríl 2006
Úrskurðarnefnd fjarskipta og póstmála afgreiðir tvær kærur
Nánar
Úrskurðarnefnd fjarskipta og póstmála kom saman 10. apríl 2006 og kvað upp úrskurði í tveimur kærumálum. Annars vegar í máli Símans hf. gegn Póst- og fjarskiptastofnun og hins vegar í máli Landeigenda að Selskarði gegn Póst- og fjarskiptastofnun og Símanum hf.. Sjá úrskurðina hér að neðan. Nr. 5/2006 - 10. apríl 2006 - Síminn hf. gegn PFS Nr. 6/2006 - 10. apríl 2006 - Landeigendur að Selskarði gegn PFS og Símanum hf
12. apríl 2006
Fréttatilkynning um öryggisreglur
Nánar
Samkvæmt 4. mgr. 3. gr. laga um Póst- og fjarskiptastofnun nr. 69/2003 er stofnuninni m.a. ætlað að gæta hagsmuna almennings með því að vinna að ráðstöfunum til að vernda persónuupplýsingar og friðhelgi einkalífs, sbr. c-lið, og tryggja að heildstæði og öryggi almennra fjarskiptaneta sé viðhaldið, sbr. f.-lið. Með vísan til þessa lögboðna hlutverks Póst- og fjarskiptastofnunar, og í ljósi þess hversu brýnt er að traust ríki um rafræn samskipti í upplýsingasamfélagi samtímans, hefur stofnunin ákveðið að gefa út leiðbeinandi reglur um þær ráðstafanir sem hún telur eðlilegt að fjarskiptafyrirtækin geri til að tryggja öryggi upplýsinga og þjónustu í almennum fjarskiptanetum. Hafa drög að þessum reglum nú verið sendar til umsagnar skráðra fjarskiptafyrirtækja. Hefur þeim verið veittur frestur til 2. maí nk. til þess að gera athugsemdir við efni þeirra. Fram til þess tíma mun stofnunin jafnframt taka við hugsanlegum athugasemdum frá öðrum aðilum. Að þeim tíma liðnum má vænta þess að reglurnar verði fljótlega gefnar út formlega. Nálgast má regludrögin hér að neðan. Drög að öryggisreglum