Hoppa yfir valmynd
Ákvarðanir

Númer

1/2021

Heiti

Frágangur tenginga í húskassa

Dagsetning

08.07.2021

Málaflokkur

Annað

Lagagreinar

  1. gr. Innanhússfjarskiptalagnir.

Reifun

Míla kvartaði yfir því að Gagnaveita Reykjavíkur hefði ekki gengið frá tengingum í samræmi við kröfur 3. mgr. 7. gr. reglna nr. 1111/2015 um innanhússfjarskiptalagnir, eins og ákvæðinu var breytt með reglum nr. 421/2018 í tilteknu fjölbýlishúsi í Hafnarfirði. Umrædd krafa felst í því að þegar heimtaug er bræðisoðin við innanhússfjarskiptalögn skuli laus aukaþráður innanhússfjarskiptalagnar komið fyrir í tengilista í húskassa húseiganda. Krafðist Míla þess að GR yrði gert að aftengja umræddar heimtaugar að viðlögðum dagsektum.

Niðurstaða Fjarskiptastofu var á þá leið að umrætt ágreiningsefni milli sömu aðila hefði áður komið til úrlausnar stofnunarinnar, sbr. ákvörðun PFS nr 6/2020. Var kvörtuninni því vísað frá að undanskilinni kröfu Mílu um aftenginu á heimtaugum GR að viðlögðum dagsektum, þar sem það væri sjálfstætt úrlausnarefni hverju sinni hvort beita ætti viðurlögum. Í þessu tilfelli var Míla búin lagfæra umrætt frávik og koma lausa aukaþræðinum fyrir á tengilista í húskassa húseiganda. Var það því mat FST að það væri engin skylda til staðar sem hægt væri að knýja GR á um að yrði efnd. Því var kröfu Mílu hafnað. Þá var GR gert að greiða fyrir vettvangsathugun sem FST taldi nauðsynlegt að framkvæma.       

Tengt efni

Ekkert tengt efni skráð