Tíðnimál

Fjarskiptatíðnir innan íslensks yfirráðasvæðis og númer úr íslenska númeraskipulaginu eru auðlindir undir stjórn íslenska ríkisins. Fjarskiptastofa hefur með höndum útlhlutun tíðna og númera samkvæmt ákvæðum fjarskiptalaga. Úthlutunin felur í sér tímabundna heimild til skilyrtra afnota sem hvorki leiðir til eignarréttar né varanlegs nýtingar- og ráðstöfunarréttar.

Ljósvakinn er alþjóðlegur og skynsamleg notkun hans fyrir þráðlaus fjarskipti krefst náinnar samvinnu ríkja heimsins. Þessi samvinna fer fram á vegum Alþjóðafjarskiptasambandsins (ITU, International Telecommunications Union).

Á tíðniráðstefnum ITU (WRC, World Radio Conference), er formlega skilgreint og ákveðið hvaða tíðnisvið eru til ráðstöfunar fyrir hina ýmsu þjónustu (hljóðvarp, sjónvarp, farsíma, gervihnattafjarskipti, fjarskipti amatöra o.s.frv).

Greint er frá þessari skiptingu og þeim reglum sem um hana gilda í alþjóðlegri radíóreglugerð (Radio Regulation,RR). Ríki hafa nokkurt svigrúm til þess að skipuleggja ljósvakann innan þess ramma, sem RR setur.

Í Evrópu hefur samvinna á þessu sviði farið ört vaxandi á síðustu árum og hefur Ísland tekið virkan þátt í henni.

Fjarskiptastofa hefur með höndum úthlutun tíðna og númera samkvæmt ákvæðum fjarskiptalaga.
Þar ber hæst tíðniheimildir fyrirtækja sem reka farsíma- og/eða netkerfi fyrir almenna fjarskiptaþjónustu, þ.e. GSM, 3G, 4G, 5G, háhraða aðgangsnet á 3,5 GHz og svo DVB tíðnir fyrir stafrænt sjónvarp. Hér fyrir neðan er listi yfir þau fyrirtæki sem hafa slíkar tíðniheimildir.

Kort yfir farnetstíðnir á Íslandi (Heimild: www.spectrummonitoring.com)

Evrópskur gagnabanki um tíðnirófið- EFIS
Á evrópskum gagnabanka (EFIS) eru upplýsingar um notkun tíðnirófsins í nokkrum Evrópuríkjum, þeirra á meðal Íslandi. Búið er að tengja þá pappíra sem gilda í hverju tilfelli (tilmæli, ákvarðanir, reglugerðir. o.s.frv.) þannig að hægt er að sækja öll gögn um tíðniskipulagið.

Nánari upplýsingar veitir Hörður R. Harðarson verkefnisstjóri.

Sækja þarf um heimild til þess að nota ljósvakann til fjarskipta og fá tíðni úthlutað í því skyni.  Greiða þarf fyrir heimildirnar skv. lögum nr 75/2021 um Fjarskiptastofu og gjaldskrá stofnunarinnar.

Leiðbeiningar og upplýsingar um aðferðir Fjarskiptastofu við úthlutanir á tíðnum.

Nánari upplýsingar um úthlutun á tíðnum veitir Hörður R. Harðarson

Sum tíðnisvið eru ætluð fyrir tiltekna þjónustu án sérstakrar úthlutunar á tíðnum til einstakra notenda. Þetta á t.d. við um:

• Tíðnisvið fyrir fjarskipti við skip, flugvélar, amatöra o.fl.
• Tíðniisvið fyrir skammdrægan fjarskiptabúnað  sjá excellista, í samræmi við Evróputilmæli um skammdrægan fjarskiptabúnað (Short Range Devices (SRD)) sem gilda hér á landi ERC/REC/70-03
• Tíðnisvið fyrir farnet sbr. töfluna hér fyrir neðan.

Erlendir ferðamenn og aðrir sem vilja nota radíóbúnað tímabundið hér á landi skulu sækja um það til Fjarskiptastofu á þar til gerðu umsóknareyðublaði. umsóknareyðublað
Eftirfarandi upplýsingar þurfa að koma fram:

• Nafn og heimilisfang (ef Íslendingur þá einnig kennitala)
• Upplýsingar um hvar og hvenær búnaðurinn kemur til landsins og fer úr landi.
• Upplýsingar um þær tíðnir sem óskað er eftir að nota
• Upplýsingar um búnaðinn (tegund og raðnúmer)
• Upplýsingar um sendiafl
• Upplýsingar um hvar á að nota búnaðinn

Eftir að fjallað hefur verið um umsókn er áritað umsóknareyðublað notað sem leyfisbréf og skal  það sýnt tollyfirvöldum bæði við komu búnaðar til landssins og brottför hans úr landi.
Greiða skal leyfisgjald fyrir notkun búnaðar skv. gjaldskrá Fjarskiptastofu.

Staðsetning og tíðnir sjónvarpssenda:

Allt landið - kort

Listi yfir sjónvarpssenda UHF TV rásir - DVB (05.06.2024)

Staðsetning og tíðnir hljóðvarpssenda (FM):

• Allt landið - kort